سوشل میڈیا پر اپنے بیان میں سپین کے وزیر خارجہ خوسے مانوئل الباریس نے کہا کہ ہم نے ایران میں ہسپانوی سفارت خانے کو کامیابی کے ساتھ خالی کروا لیا ہے، تہران میں موجود سفیر اور دیگر ضروری عملہ اب سرحد پار کر کے آذربائیجان پہنچ چکے ہیں۔

انہوں نے کہا کہ خطے میں ہمارے باقی سفارت خانے اور کرائسس روم ہنگامی فون لائنوں کے ذریعے 24 گھنٹے مکمل طور پر فعال رہیں گے۔

خیال رہے کہ سپین کے وزیر اعظم پیڈرو سانچیز نے امریکی صدر ڈونلڈ ٹرمپ کی جانب سے ایران پر حملوں کے خلاف آواز اٹھائی ہے اور کہا ہے کہ ان کی حکومت کا مؤقف جنگ کے خلاف ہے۔