لبنانی فوج نے کہا ہے کہ وہ لبنان کو درپیش غیر معمولی چیلنجز کے تناظر میں رائے کے اظہار کی آزادی کا احترام کرتی ہے، فوجی کمان نے شہریوں سے اپیل کی ہے کہ بیروت اور دیگر علاقوں میں احتجاجی مظاہروں کی کالز کے پیش نظر ذمہ داری کا مظاہرہ کریں۔

بیان میں مزید کہا گیا ہے کہ کسی بھی ایسے اقدام کی اجازت نہیں دی جائے گی جس سے امن و امان متاثر ہو یا شہری امن کو نقصان پہنچے، ایسے اقدامات کو برداشت نہیں کیا جائے گا جن کے غیر متوقع نتائج سامنے آ سکتے ہوں۔