لاہور: (ویب ڈیسک) سابق آسٹریلوی کرکٹر ڈین جونز بھی پاکستان کرکٹ ٹیم کے ہیڈ کوچ بننے کی دوڑ میں شامل ہو گئے ہیں۔
ذرائع کا کہنا ہے کہ 58 سالہ سابق آسٹریلوی کرکٹر ڈین جونز نے پاکستان کرکٹ بورڈ کے ہیڈ کوچ کے عہدے کیلئے درخواست دی ہے۔
ڈین جونز پاکستان سپر لیگ کی ٹیم اسلام آباد یونائیٹڈ کے بھی ہیڈ کوچ ہیں اور ان کی کوچنگ میں اسلام آباد یونائیٹڈ نے 2 پی ایس ایل ٹائٹل جیتے ہوئے ہیں۔
ذرائع کے مطابق سابق آسٹریلوی کرکٹر ڈین جونز نے پاکستانی ٹیم کی کوچنگ کے لیے درخواست جمع کروا دی ہے۔ اس کے بعد وہ مصباح الحق اور مائیک ہیسمین کی طرح ہیڈ کوچ بننے کی دوڑ میں شامل ہوگئے ہیں۔
