اسلام آباد: (روزنامہ دنیا) سپریم کورٹ نے قومی اسمبلی کے حلقہ این اے 91 اورصوبائی اسمبلی کے حلقہ 123 میں دوبارہ گنتی کا حکم دیتے ہوئے ریٹرننگ آفیسر کو دوبارہ گنتی کروا کر تین ہفتوں میں رپورٹ پیش کرنے کی ہدایات جاری کر دی ہیں۔
این اے 91 میں مسلم لیگ نون کے ذوالفقار علی سے پی ٹی آئی کے عامر سلطان چیمہ جیت گئے تھے ،جیت کا مارجن 87 ووٹ تھا،حلقہ پی پی 123کے نتائج میں جیت کامارجن ٹوٹل 17ووٹ تھا تحریک انصاف کی سونیہ ناز نے دوبارہ گنتی کے لیے سپریم کورٹ سے رجوع کیا تھا۔
