لاہور: (دنیا نیوز) وزیراعلیٰ پنجاب سردار عثمان بزدار نے ڈیرہ غازی خان میں اربوں روپے مالیت کے عوامی منصوبوں کا سنگ بنیاد رکھ دیا ہے۔ ان کا کہنا ہے کہ پسماندہ علاقوں میں تعلیم اور صحت کے منصوبے ترجیح ہیں۔
تفصیل کے مطابق وزیراعلیٰ سردارعثمان بزدار نے ڈیرہ غازی خان میں چھ ارب روپے مالیت سے زائد منصوبوں کا سنگ بنیاد رکھ دیا ہے۔ سردار فتح محمد بزدار انسٹی ٹیوٹ آف کارڈیالوجی کے منصوبے کا پہلا فیز 3 ارب روپے کی لاگت سے دو سال میں مکمل ہوگا۔
وزیراعلیٰ پنجاب نے ڈیرہ غازی خان میں میں انسٹی ٹیوٹ آف کارڈیالوجی کا سنگ بنیاد رکھ دیا:
— Government of Punjab (@GOPunjabPK) May 14, 2020
200 بستروں پر مشتمل کارڈیالوجی انسٹی ٹیوٹ پر مجموعی طور پر 4.28 ارب لاگت آئےگی
3 ارب کی لاگت کا پہلا فیز، 44کنال پر 8 میڈیکل شعبوں اور 100بیڈز پر مشتمل اور 2سال میں مکمل کیاجائے گا pic.twitter.com/gQ661UST8h
وزیراعلیٰ نے 32 کروڑ 60 لاکھ کی مالیت کے جدید ترین بس ٹرمینل اور سنگم چوک کی تعمیر وتوسیع کے منصوبے کا بھی سنگ بنیاد رکھا۔ زرخیز زمینوں کو دریائے سندھ کے کٹاؤ سے بچانے کیلئے تین سپر سٹرکچر بند کے منصوبے کا آغاز کر دیا گیا ہے۔
وزیراعلیٰ پنجاب @UsmanAKBuzdar نے ڈیرہ غازی خان میں قدیمی پل ڈاٹ /سنگم چوک کی تعمیر وتوسیع اور بیوٹیفکیشن کے منصوبے کا سنگ بنیاد رکھ دیا۔ یہ منصوبہ ایک سال میں مکمل ہوگا جس پر تقریباً 40 کروڑ روپے کی لاگت آئے گی۔ pic.twitter.com/Af9a1aSD4e
— Government of Punjab (@GOPunjabPK) May 14, 2020
ڈیرہ غازی خان میں 100 بستروں کے سوشل سکیورٹی ہسپتال کا منصوبہ بھی شروع کر دیا گیا ہے، اس پر 21 کروڑ روپے لاگت آئیگی۔ ٹیچنگ ہسپتال میں کورونا ٹیسٹ کیلئے بی ایس ایل تھری لیب پراجیکٹ کا بھی افتتاح ہوا۔
وزیراعلٰی کی جانب سے ایک کروڑ کی لاگت سے جناح فیملی پارک کی بحالی، شہر میں لنگر خانے کے قیام اور کشمیر پارک کی بحالی اور تعمیر نو کے منصوبے کا سنگ بنیاد رکھا گیا۔
وزیراعلیٰ نے تحصیل کوہ سلیمان اور تونسہ کی بستیوں میں بجلی کی فراہمی کیلئے میپکو کو 26کروڑ 70لاکھ روپے کا چیک دیا۔ عثمان بزدار کا تھا کہ پسماندہ علاقوں میں تعلیم اور صحت کے منصوبے ترجیح ہیں۔
وزیراعلیٰ پنجاب @UsmanAKBuzdar نے ڈیرہ غازی خان کے شہریوں کیلئے جدید ترین بس ٹرمینل کے منصوبے کا سنگ بنیاد رکھ دیا۔ ٹرمینل 32 کروڑ 60 لاکھ روپے کی لاگت سے تعمیر کیا جائے گا۔
— CM Punjab (Updates) (@CMPunjabPK) May 14, 2020
ماڈرن انٹرسٹی ٹرمینل بننے سے ٹریفک میں رکاوٹ کا 15 سالہ مسئلہ حل ہو گا۔ pic.twitter.com/GGxKd8WSPf
