تازہ ترین
  • بریکنگ :- پشاور:ارمڑکےعلاقےمیں پولیس کااشتہاری کےگھرپرچھاپہ
  • بریکنگ :- پشاور:ملزمان کی فائرنگ سےپولیس اہلکارشہید
  • بریکنگ :- پشاور:فائرنگ کےتبادلےمیں اشتہاری ہلاک،پولیس

عوام کیلئے اچھی خبر، اوگرا کی پٹرولیم قیمتوں میں 2 روپے 90 پیسے لٹر تک کمی کی سفارش

Last Updated On 29 November,2019 09:04 pm

اسلام آباد: (دنیا نیوز) عوام کے لئے اچھی خبر یہ ہے کہ اوگرا نے پٹرولیم مصنوعات کی قیمتوں میں 2 روپے 90 پیسے فی لٹر تک کمی کی سفارش کر دی۔ وزیراعظم کی منظوری کے بعد وزارت خزانہ قیمتوں میں کمی کا حتمی اعلان کرے گی۔

اوگرا نے پٹرولیم مصنوعات کی قیمتوں میں کمی کی سمری وزارت خزانہ کو ارسال کر دی ہے جس میں پٹرول کی قیمت میں 25 پیسے فی لٹر کمی کی سفارش کی گئی ہے۔ ہائی اسپیڈ ڈیزل کی قیمت میں 2 روپے40 پیسے جب کہ مٹی کے تیل کی قیمت میں 83 پیسے فی لیٹر کمی تجویز کی گئی، سمری میں لائٹ ڈیزل آئل کی قیمت میں 2 روپے 90 پیسے کمی کی سفارش کی گئی ہے۔

اوگرا کی سمری میں ہائی سپیڈ ڈیزل پر18 روپے، پٹرول پر 15 روپے، مٹی کے تیل پر 6 اور لائٹ ڈیزل پر 3 روپے فی لٹر لیوی وصول کرنے کی سفارش کی گئی ہے۔ پٹرولیم مصنوعات کی قیمتوں میں کمی کا حتمی اعلان وزیراعظم کی منظوری کے بعد وزارت خزانہ کرے گی۔