اسلام آباد: (دنیا نیوز) حکومت نے پٹرول کی فی لٹر قیمت میں 10 روپے تک کا اضافہ کر دیا۔
پریس کانفرنس کرتے ہوئے وفاقی وزیر خزانہ اسحاق ڈار نے کہا کہ پٹرول کی قیمت میں 10 روپے فی لٹر اضافہ کیا جا رہا ہے جس کے بعد پٹرول کی قیمت 272 روپے سے بڑھ کر 282 روپے فی لٹر ہو گئی ہے۔
مٹی کے تیل کی قیمت میں 5 روپے 78 پیسے فی لٹر کا اضافہ کیا گیا ہے جبکہ ہائی سپیڈ اور لائٹ ڈیزل کی قیمتیں بغیر کسی ردوبدل کے برقرار رکھی گئی ہیں۔
پٹرول کی قیمت میں اضافے کا اطلاق رات 12 بجے سے ہوگا، وزارت خزانہ نے پٹرولیم مصنوعات کی قیمتوں میں ردو بدل کا نوٹیفکیشن بھی جاری کردیا۔
