ہفتہ وار مہنگائی کی شرح میں 0.33 فیصد کمی ریکارڈ

Published On 27 October,2023 04:44 pm

اسلام آباد: (دنیا نیوز) حالیہ ہفتے کے دوران مہنگائی کی شرح میں 0 اعشاریہ 33 فیصد کی کمی ریکارڈ کی گئی۔

ادارہ شماریات کی رپورٹ کے مطابق سالانہ بنیادوں پر ہفتہ وار مہنگائی کی شرح 29 اعشاریہ 65 فیصد ریکارڈ کی گئی، رواں ہفتے میں 14اشیاء مہنگی جبکہ 17سستی ہوئیں۔

رواں ہفتے کے دوران آلو، ٹماٹر، انڈے، دال مونگ، نمک، لہسن مہنگا ہوا، گوشت اورسگریٹس بھی مہنگے ہوگئے، دالوں کی قیمتوں میں کمی ریکارڈ کی گئی۔

دال ماش ،دال چنا، دال مسور کی قیمت میں اوسطا 8 روپے فی کلو تک کمی ہوئی، چکن 36 روپے، ایل پی جی سلنڈر 50 روپے سستا ہوا جبکہ چینی کی فی کلو قیمت 3 روپے تک کم ہوئی۔

رپورٹ کے مطابق ایک ہفتے میں آٹے کا 20 کلو تھیلا 44 روپے 36 پیسے سستا ہوا، چاول، پیاز، چینی، گڑ اور کیلے بھی سستے ہوئے، تازہ دودھ ،دہی خشک دودھ سمیت 20 اشیاء کے دام مستحکم رہے۔ 

Advertisement