کراچی: (دنیا نیوز) پاکستان سٹاک مارکیٹ میں مثبت رجحان رہا جس کے باعث ہنڈرڈ انڈیکس میں زبردست اضافہ ریکارڈ کیا گیا۔
کاروباری ہفتے کے پہلے روز کاروبار کے آغاز پر سٹاک ایکسچینج میں زبردست تیزی دیکھنے میں آئی، ٹریڈنگ کے دوران 1100 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 71 ہزار پوائنٹس کی سطح پر پہنچ گیا۔
تاہم ٹریڈنگ کے اختتام پر ہنڈرڈ انڈیکس 876 پوائنٹس کے اضافے کیساتھ ایک لاکھ 70 ہزار 741 پوائنٹس کی سطح پر بند ہوا۔
جن اہم شعبوں میں بھرپور خریداری دیکھی جا رہی ہے ان میں آٹو موبائل اسمبلرز، سیمنٹ، کمرشل بینکس، کھاد، تیل اور گیس کی تلاش کرنے والی کمپنیاں، او ایم سیز اور پاور جنریشن شامل ہیں، کے الیکٹرک، او جی ڈی سی، پی او ایل، پی پی ایل، پی ایس او، ایس این جی پی ایل، ایس ایس جی سی، ایچ بی ایل، ایم ای بی ایل، این بی پی اور یو بی ایل بھی مثبت زون میں دکھائی دیئے۔
واضح رہے کہ گزشتہ کاروباری روز کے اختتام پر ہنڈرڈ انڈیکس 1289 پوائنٹس کے اضافے کے ساتھ ایک لاکھ 69 ہزار 864 پوائنٹس کی سطح پر بند ہوا تھا۔
