کراچی: (دنیا نیوز) پاکستان سٹاک مارکیٹ میں ایک لاکھ 69 ہزار پوائنٹس کی حد دوبارہ بحال ہوگئی۔
کاروباری ہفتے کے پانچویں اور آخری روز کاروبار کے آغاز پر سٹاک ایکسچینج میں ملا جلا رجحان دیکھنے میں آیا ہے، 1000 سے زائد پوائنٹس کے اضافے کے ساتھ سٹاک مارکیٹ میں ہنڈرڈ انڈیکس ایک لاکھ 69 ہزار 641 پوائنٹس کی سطح پر پہنچ گیا۔
تاہم پہلے ٹریڈنگ سیشن کا اختتام مثبت زون میں ہوا، انڈیکس 956 پوائنٹس بڑھ کر ایک لاکھ 69 ہزار 530 پوائنٹس پر بند ہوا۔
سٹاک ایکسچینج کے پہلے ٹریڈنگ سیشن میں 48 کروڑ مالیت شیئرز کے سودے 20 ارب روپے میں ہوئے۔
واضح رہے کہ گزشتہ کاروباری روز کے اختتام پر انڈیکس 877 پوائنٹس کی کمی کیساتھ ایک لاکھ 68 ہزار 574 پوائنٹس کی سطح پر بند ہوا تھا۔
