وزارت خزانہ کے مطابق سال 2022 اور 2025 کے ایڈہاک الاؤنسز کو بنیادی تنخواہ کا حصہ بنا دیا گیا ہے۔

2022 کا 15 فیصد ایڈہاک ریلیف الاؤنس بنیادی تنخواہ میں ضم کر دیا گیا ہے جبکہ 2025 کا 10 فیصد ایڈہاک الاؤنس بھی بنیادی تنخواہ میں شامل کر لیا گیا ہے۔

وزارت خزانہ کا کہنا ہے کہ اس اقدام سے سرکاری ملازمین کی بنیادی تنخواہ میں اضافہ ہوگا، جس کے اثرات دیگر مراعات اور الاؤنسز پر بھی مرتب ہوں گے۔

علاوہ ازیں حکومت نے سرکاری ملازمین کے کنوینس الاؤنس میں 50 فیصد اضافے کی بھی منظوری دے دی ہے، جس سے ملازمین کو سفری اخراجات کے حوالے سے مزید مالی سہولت میسر آئے گی۔

حکومتی ذرائع کے مطابق یہ اقدامات ملازمین کو مہنگائی کے اثرات سے بچانے اور ان کی مالی مشکلات میں کمی لانے کے لیے کیے گئے ہیں۔