تجارت
خلاصہ
- کراچی: (دنیا نیوز) عالمی مارکیٹ میں سونے اور چاندی کی قیمتوں میں کمی کے باعث پاکستان میں بھی سونے اور چاندی کے نرخ کم ہوگئے۔
بین الاقوامی بلین مارکیٹ میں فی اونس سونے کی قیمت 36 ڈالر کی کمی سے 3 ہزار 994 ڈالر کی سطح پر آگئی جبکہ پاکستان میں فی تولہ سونے کی قیمت میں 3 ہزار 600 روپے اور دس گرام سونے کی قیمت میں 3 ہزار 86 روپے کی کمی ریکارڈ کی گئی۔
قیمتوں میں کمی کے باعث پاکستان میں فی تولہ سونے کی قیمت 4 لاکھ 21 ہزار 836 روپے اور دس گرام سونے کی قیمت 3 لاکھ 61 ہزار 656 روپے کی سطح پر آگئی۔
دوسری جانب فی تولہ چاندی کی قیمت 126روپے کی کمی سے 6ہزار 29 روپے کی سطح پر آگئی جب کہ فی دس گرام چاندی کی قیمت بھی 108 روپے کی کمی سے 5ہزار 168روپے کی سطح پر آگئی۔
