لاہور:(دنیا نیوز)قومی ٹی 20کپ میں شریک بلوچستان ٹٰیم کے کپتان امام الحق انجری سے تاحال صحتیاب نہ ہوسکے جس کے باعث ڈاکٹر نے ان کومزید چار روز آرام کا مشورہ دے دیا ہے۔
ذرائع کا کہنا ہے کہ امام الحق کی ایکسرے رپورٹ میں پسلیوں میں سوجن دکھائی دی۔
خیال رہے کہ امام الحق کو راولپنڈی سٹیڈیم میں فیلڈنگ کے دوران پسلیوں میں باؤنڈریز پر نصب بورڈ اور رسیاں لگی تھی جس کے بعد ان کو ہسپتال منتقل کیا گیا تھا۔
یہ بھی پڑھیں:قومی ٹی 20کپ،امام الحق زخمی ہوگئے
بلوچستان کے کپتان راولپنڈی سے واپس آکرلاہورمیں اپنے گھر میں آرام کررہے ہیں جبکہ امام الحق آج شام کو گھر سے ہوٹل میں بائیو سکیور ببل جوائن کرینگے اور وہ دو سے تین روز تک باقاعدہ ٹریننگ کا آغاز کرینگے۔
