لاہور:(ویب ڈیسک) پاکستان سپر لیگ(پی ایس ایل) کے ساتویں ایڈیشن میں سنسنی خیز مقابلے کے بعد ملتان سلطانز نے کوئٹہ گلیڈی ایٹرز کو 6 رنز سے شکست دے دی۔
کوئٹہ گلیڈی ایٹرز کے کپتان سرفراز احمد نے ٹاس جیت کر ملتان سلطانز کے قائد محمد رضوان کو پہلے بیٹنگ کی دعوت دی تھی۔
What an intense game. Rizwan and co turned the game around and made things go their way. Congratulations @MultanSultans #HBLPSL7 l #LevelHai l #QGvMS pic.twitter.com/XvnRrO1xof
— PakistanSuperLeague (@thePSLt20) January 31, 2022
کوئٹہ گلیڈی ایٹرز اننگز
ملتان سلطانز کے 175رنز ہدف کے تعاقب میں کوئٹہ گلیڈی ایٹرز کی جانب سے احسن علی اور ول سمیڈ نے اننگز کا آغاز کیا مگر سمیڈ زیادہ دیر تک وکٹ پر نہ ٹھہر سکے اور صرف 3 سکور بناکر خوشدل شاہ کی گیند پر کلین بولڈ ہوگئے،دوسرے آؤٹ ہونے والے بیٹر احسن علی تھے جو کہ 24 سکور بناکر خوشدل شاہ کی گیند پر ہی کلین بولڈ ہوئے،بین ڈکٹ 47،سرفراز احمد 21، عاشر قریشی صفر اور محمد نواز 1 رنز بناکر پویلین لوٹے،خوشدل شاہ اورعمران طاہر نے 3،3 کھلاڑیوں کو آؤٹ کیا۔
کوئٹہ گلیڈی ایٹرز کی ٹیم 175 رنز کا ہدف حاصل کرنے میں ناکام رہی اور پوری ٹیم 168 سکور بناکر پویلین لوٹ گئی، اس طرح ملتان سلطانز نے میچ 6 رنز سے جیت لیا۔
شکست خوردہ ٹیم کی جانب سے بین ڈکٹ نے سب سے زیادہ 47 رنز بنائے جبکہ فاتح ٹیم کے خوشدل شاہ، عمران طاہر اور ڈیوڈ ویلی نے 3،3 کھلاڑیوں کا شکار کیا۔
ملتان سلطانز اننگز
Multan in control of their game, time for Quetta to do their part. Aaj kis team ka #LevelHai? #HBLPSL7 l #QGvIU pic.twitter.com/o5qUU2Cp2w
— PakistanSuperLeague (@thePSLt20) January 31, 2022
ملتان سلطانز کی جانب سے اننگز کا آغاز محمد رضوان اور شان مسعود نے کیا جبکہ کوئٹہ گلیڈی ایٹرز کے سہیل تنویر نے پہلا اوور کرایا۔ محمد رضوان صفر پر محمد حسنین کی گیند پر کیچ آؤٹ ہوگئے۔ دوسری وکٹ صہیب مقصود کی گری اور انہوں نے 23 گیندوں پر 21 رنزبنائے، تیسرے آؤٹ ہونے والے بیٹر ریلی روس تھے جو 21 رنز بناکر پویلین لوٹے، شان مسعود نے 58 گیندوں پر 88 رنز کی اننگز کھیلی اور محمد حسنین کی گیند پر افتخار احمد کو کیچ دے بیٹھے۔
ملتان سلطانز نے مقررہ 20 اوورز میں 4 وکٹ کے نقصان پر174رنز بنائے، ٹم ڈیوڈ28 اور خوشدل شاہ8 رنز بناکر ناٹ آؤٹ رہے۔
کوئٹہ گلیڈی ایٹرز سکواڈ
Sarfaraz has won the toss and his team @TeamQuetta will bowl first. Here is the updated squads list. #HBLPSL7 I #LevelHai l #QGvMS pic.twitter.com/FOfhNcBMS5
— PakistanSuperLeague (@thePSLt20) January 31, 2022
ملتان سلطانز کے خلاف میچ کے لئے کوئٹہ گلیڈی ایٹرز کے سکواڈ میں کپتان سرفراز احمد، ول سمیڈ، احسن علی ، بین ڈکٹ، افتخاراحمد، سہیل تنویر، محمد نواز، محمد حسنین، جیمز فالکنر، نسیم شاہ اور عاشر قریشی شامل تھے۔
ملتان سلطانز سکواڈ
کوئٹہ گلیڈی ایٹرز کے خلاف ملتان سلطانز کے سکواڈ میں کپتان محمد رضوان، شان مسعود، صہیب مقصود، ریلی روسو، خوشدل شاہ، ٹم ڈیوڈ، ڈیوڈ ویلی، عباس آفریدی، عمران طاہر، عمران خان اور شاہنواز دھانی شامل تھے۔
