بابر اعظم کو کپتانی سے ہٹانے کا فیصلہ غلط ہے: جاوید میانداد

Published On 19 November,2023 09:09 am

کراچی: (ویب ڈیسک) قومی کرکٹ ٹیم کے سابق کپتان جاوید میانداد نے کہا ہے کہ بابر اعظم کو کپتانی سے ہٹانے کا فیصلہ غلط ہے۔

اپنے ایک انٹرویو میں جاوید میانداد کا کہنا تھا کہ کرکٹرز کو احترام اور عزت دینی چاہیے، سیاسی اثر و رسوخ کی وجہ سے پی سی بی میں آنے والے کھیل کو ناقابل تلافی نقصان پہنچا رہے ہیں، وہ لوگ کرکٹ کو چلا رہے ہیں جن کا کرکٹ سے کوئی تعلق ہی نہیں۔

انہوں نے کہا کہ ملک کے سب سے بڑے کھلاڑی بابر اعظم کی تضحیک کی گئی، انہیں کپتانی سے ہٹانے کا فیصلہ درست نہیں ہے، بابر اعظم کے ساتھ کوئی تگڑا منیجر رکھا جانا چاہیے تھا تاکہ وہ مضبوط کپتان بنتا۔

سابق کپتان کا کہنا تھا کہ بابر اعظم جیسے بڑے کھلاڑی کے ساتھ پی سی بی کا حالیہ سلوک افسوسناک ہے، بابر اعظم کو اپنے انداز میں تھوڑی تبدیلی لانے کی ضرورت ہے۔

Advertisement