نتھیا گلی: (دنیا نیوز) انٹرنیشنل کرکٹ کونسل ( آئی سی سی ) چیمپئنز ٹرافی کی آج رونمائی نتیھا گلی میں کی گئی۔
گزشتہ روز چیمپئنز ٹرافی کی ایبٹ آباد میں نمائش کی گئی تھی جس کے دوران ٹرافی کو آرمی پبلک سکول، ایبٹ آباد میڈیکل کالج، ٹھنڈیانی اور ایبٹ آباد کرکٹ سٹیڈیم لے جایا گیا جہاں شائقین کی بڑی تعداد ٹرافی دیکھنے پہنچی۔
اگلے مرحلے پر ٹرافی کی رونمائی آج نتھیا گلی میں ہوئی جس کے بعد ٹرافی کو مری لے جایا جائے گا، آئی سی سی چیمپئنز ٹرافی ایونٹ میں شریک تمام ممالک میں جائے گی۔
واضح رہے کہ آئی سی سی چیمپئنز ٹرافی ایونٹ میں شریک تمام ممالک میں جائے گی، پاکستان کے بعد ٹرافی ٹور 26 سے 28 نومبر تک افغانستان میں، 10 سے 13 دسمبر بنگلا دیش، 15 سے 22 دسمبر جنوبی افریقا اور 25 دسمبر سے 5 جنوری تک آسٹریلیا میں ہوگا۔
مزید برآں 6 جنوری سے 11 جنوری نیوزی لینڈ، 12 سے 14 جنوری انگلینڈ اور 15 سے 26 جنوری بھارت میں ٹرافی ٹور ہو گا، 27 جنوری کو پاکستان میں ٹرافی کا ایونٹ شروع ہو گا۔
