پی ایس ایل 10 ڈرافٹنگ: وارنر کنگز، ڈیرل مچل قلندرز اور کیڈمور زلمی کو پیارے

لاہور: (دنیا نیوز) پاکستان سپر لیگ (پی ایس ایل) سیزن 10 کے پلیئرز ڈرافٹ کی تقریب لاہور کے حضوری باغ شاہی قلعہ میں جاری ہے۔

پلیئرز ڈرافٹ کی تقریب میں چھ فرنچائزز اپنے سٹارز پر مشتمل سکواڈز کا انتخاب کر رہی ہیں، پی ایس ایل کا تاریخی 10 واں ایڈیشن اس سال 8 اپریل سے 19 مئی کے درمیان منعقد ہوگا جس میں شرکت کیلئے کئی غیرملکی کھلاڑیوں نے رجسٹریشن کرائی ہے۔

پلاٹینم کیٹیگری میں پک ہونے والے کھلاڑی

پلاٹینم کیٹیگری میں کراچی کنگز نے سابق آسٹریلوی جارح مزاج بیٹر ڈیوڈ وارنر، نیوزی لینڈ کے فاسٹ باؤلر ایڈم ملن اور وائلڈ کارڈ پر پلاٹینم کیٹیگری میں قومی فاسٹ باؤلر عباس آفریدی کو پک کیا۔

لاہور قلندرز نے پلاٹینم کیٹیگری میں ڈیرل مچل کا انتخاب کر لیا، پشاور زلمی نے پلاٹینم کیٹیگری میں ٹام کوہلر کیڈ مور کو پک کیا، پشاور زلمی نے پلاٹینم میں ٹام کوہلر کیڈ مور رائٹ ٹو میچ کے ذریعے لیا ہے۔

اس کے علاوہ پلاٹینم کیٹیگری میں کوئٹہ گلیڈی ایٹرز نے نیوزی لینڈ کے ٹاپ آرڈر بیٹر فن ایلن کو پک کیا، کوئٹہ گلیڈی ایٹر نے پلاٹینم میں مارک چیپمین کو بھی پک کیا ہے جبکہ فہیم اشرف بھی کوئٹہ گلیڈی ایٹرز کو پیارے ہو گئے ہیں۔

ملتان سلطانز نے پلاٹینم کیٹیگری میں مائیکل بریسویل کو پک کیا جبکہ اسلام آباد یونائیٹڈ نے پلاٹینم کیٹیگری میں آسٹریلوی بیٹر میتھیو شارٹ کو منتخب کیا۔

ڈائمنڈ کیٹیگری

پاکستان سپر لیگ (پی ایس ایل) سیزن 10 کی پلیئرز ڈرافٹنگ میں ڈائمنڈ کیٹیگری کی پک میں پشاور زلمی نے قومی فاسٹ باؤلر محمد علی اور جنوبی افریقی آل راؤنڈر کاربن بوش کو لیا ہے۔

لاہور قلندرز نے ڈائمنڈ پک میں سری لنکن بلے باز کوشال پریرا، کراچی کنگز نے قومی آل راؤنڈر خوشدل شاہ اور اسلام آباد یونائیٹڈ نے ویسٹ انڈیز کے آل راؤنڈر جیسن ہولڈر کو پک کیا ہے۔

گولڈ کیٹیگری
پشاور زلمی نے گولڈ کیٹیگری میں وائلڈ کارڈ پر پاکستانی بیٹر عبدالصمد کو پک کر لیا۔

اسلام آباد یونائیٹڈ نے گولڈ کیٹیگری میں آسٹریلین آل راؤنڈر بین ڈوراشس کا انتخاب کیا جبکہ کراچی کنگز نے قومی فاسٹ باؤلر عامر جمال کو پک کر لیا، ملتان سلطانز نے گولڈ کیٹیگری راؤنڈ ون میں قومی بیٹر کامران غلام کو اور پشاور زلمی نے بنگلا دیش کے فاسٹ باؤلر ناہید رانا کو پک کیا۔

پشاور زلمی نے گولڈ کیٹیگری کے راؤنڈ 2 میں قومی آل راؤنڈر حسین طلعت کا انتخاب کیا۔

ڈائمنڈ کیٹیگری
ڈائمنڈ کیٹیگری کراچی کنگز نے خوشدل شاہ ، پشاور زلمی نے جنوبی افریقہ کے کوربن بوش ،اسلام آباد یونائیٹڈ نے ویسٹ انڈیز کے جیسن ہولڈر ،لاہور قلندرز نے سری لنکا کے کوشال پریرا ، پشاور زلمی نے محمد علی کو منتخب کیا۔
سلور کیٹیگری
پہلا راؤنڈ
ملتان سلطانز نے سلور کیٹیگری کے پہلے راؤنڈ میں عاکف جاوید ، کراچی کنگز نے میر حمزہ، اسلام آباد یونائیٹڈ نے سلمان ارشاد ،لاہور قلندرز نے آصف آفریدی ،کوئٹہ گلیڈی ایٹرز نے خرم شہزاد پشاور زلمی نے احمد دانیال کو منتخب کرلیا۔
دوسرا راؤنڈ
دوسرے راؤنڈ میں پشاور زلمی نے افغانستان کے نجیب اللہ زدران کوئٹہ گلیڈی ایٹرز نے حسب اللہ خان ، کراچی کنگز نے بنگلہ دیش کے لیٹن داس، اسلام آباد یونائیٹڈ نے محمد نواز ،لاہور قلندرز نے طیب طاہر ،ملتان سلطانز نے طیب طاہر کو پک کرلیا۔
تیسرا راؤنڈ
لاہور قلندرز نے سلور کیٹیگری کے تیسرے راؤنڈ میں بنگلہ دیش کے ریشاد حسین اسلام آباد نے امریکہ کے اینڈریز گوس کا انتخاب کیا۔