گجرات: (ویب ڈیسک) جنوبی افریقی فاسٹ باؤلر کگیسو رباڈا اچانک انڈین پریمیئر لیگ (آئی پی ایل) چھوڑ کر وطن واپس روانہ ہو گئے۔
آئی پی ایل 2025 میں گجرات ٹائٹنز کی نمائندگی کرنے والے کگیسو رباڈا 2 میچز کھیلنے کے بعد اچانک جنوبی افریقا چلے گئے، رباڈا کو گجرات ٹائٹنز نے آئی پی ایل 2025 کی میگا نیلامی میں 10 کروڑ 75 لاکھ بھارتی روپے میں خریدا تھا۔
فرنچائز گجرات ٹائٹنز نے رباڈا کے آئی پی ایل چھوڑ کر وطن واپسی کے حوالے سے باضابطہ اعلان کیا۔
بھارتی میڈیا کے مطابق گجرات ٹائٹنز نے ایک بیان میں کہا کہ رباڈا آئی پی ایل کے جاری سیزن سے ذاتی وجوہات کی بنا پر واپس جنوبی افریقا چلے گئے ہیں، وہ گجرات ٹائٹنز کے پہلے 2 میچز میں شامل تھے لیکن اب وہ ایک اہم ذاتی معاملے کو حل کرنے کے لیے وطن واپس لوٹ گئے ہیں۔
فرنچائز نے رباڈا کی اچانک روانگی کی مزید تفصیلات فراہم نہیں کیں اور نہ ہی ان کی ممکنہ واپسی کے بارے میں کوئی اطلاع دی۔
