راولپنڈی: (دنیا نیوز) قومی کرکٹ ٹیم کے سابق کپتان و بلے باز بابر اعظم نے انٹرنیشنل کرکٹ میں دو سال سے زائد عرصے کے بعد سنچری سکور کر کے کئی اعزاز اپنے نام کر لئے۔
بابر اعظم نے سری لنکا کے خلاف 115 گیندوں پر سنچری بنائی، بابر اعظم نے ون ڈے کیریئر کی 20 ویں سنچری سکور کی۔
بابر اعظم نے آخری سنچری 30 اگست 2023 کو نیپال کے خلاف کی تھی، بابر اعظم کی اننگز میں 8 چوکے شامل ہیں، بابر اعظم نے 136 اننگز میں پاکستان کے لیے 20 ون ڈے انٹرنیشنل سنچریاں سکور کیں۔
پاکستانی بلے باز بابر اعظم نے پاکستانی کی جانب سے سب سے زیادہ ون ڈے انٹرنیشنل سنچریوں کا سعید انور کا قومی ریکارڈ برابر کر دیا، سعید انور نے 244 اننگز میں 20 ون ڈے انٹرنیشنل سنچریاں سکور کی تھیں۔
بابر اعظم کم سے کم اننگز میں 20 سنچریاں مکمل کرنے والے تیسرے کھلاڑی بن گئے، جنوبی افریقہ کے ہاشم آملہ نے 108 اننگز جبکہ بھارت کے ویرات کوہلی نے 133 اننگز میں 20 ویں سنچری سکور کی۔
