سڈنی: (دنیا نیوز) انگلینڈ کے بیٹر جو روٹ نے سابق آسٹریلوی کپتان رکی پونٹنگ کا ریکارڈ برابر کر دیا۔
آسٹریلیا کے خلاف سڈنی میں کھیلے جانے والے ایشیز سیریز کے آخری میچ کی پہلی اننگز میں جوروٹ نے 160 رنز بنائے، یہ آسٹریلیا میں ان کی دوسری سنچری تھی۔
انہوں نے اسی سیریز میں دوسرے ٹیسٹ میچ میں اپنی پہلی سنچری سکور کی تھی، جوروٹ نے اپنے کیرئیر کی 41 ویں ٹیسٹ سنچری بنائی ہے جس کے بعد وہ ٹیسٹ کرکٹ میں سب سے زیادہ سنچری بنانے والے بیٹرز کی فہرست میں رکی پونٹنگ کے ساتھ تیسری پوزیشن پر پہنچ گئے ہیں۔
انگلینڈ کے بیٹر جوروٹ کو ٹیسٹ کرکٹ میں 14 ہزار رنز مکمل کرنے کیلئے 63 رنز کی ضرورت ہے انہیں سچن ٹنڈولکر کا ریکارڈ توڑنے کیلئے 1985 رنز چاہئیں۔
سچن ٹنڈولکر ٹیسٹ کرکٹ میں 51 سنچریوں کے ساتھ سرفہرست ہیں، جیک کیلس 45 سنچریوں کے ساتھ دوسرے نمبر پر ہیں اور 41 سنچریوں کے ساتھ جوروٹ اور رکی پونٹنگ تیسری پوزیشن پر ہیں۔
