کرائم
خلاصہ
- کراچی: (دنیا نیوز) کراچی کے علاقے کلفٹن میں سنار کی دکان میں نقب زنی کی واردات کا ڈراپ سین ہو گیا۔ اپنی ہی دکان میں چوری کا ڈرامہ رچانے والا آصف ساتھی سمیت گرفتار، سونا بھی برآمد کر لیا گیا۔
ساؤتھ انویسٹی گیشن پولیس نے گلف شاپنگ مال میں سنار کی دکان میں نقب زنی کا معمہ حل کر لیا۔ پولیس نے آئی آئی چندریگر روڈ پر واقع تجارتی مرکز پر چھاپہ مار کر 3 کلو سونا برآمد کر لیا۔
پولیس کے مطابق کارروائی کے دوران مدعی آصف کو اُس کے ساتھی وسیم سمیت گرفتار کرلیا گیا ہے۔ ملزم آصف نے خود اپنی دکان سے سونا غائب کر کے نقب زنی کا ڈرامہ رچایا تھا، گرفتار ملزمان سے تفتیش جاری ہے۔
