کراچی : ( دنیا نیوز ) صوبائی دارالحکومت کے تھانہ کورنگی زمان ٹاؤن کی حدود میں مبینہ پولیس مقابلے کے دوران ایک ڈاکو زخمی حالت میں گرفتار جبکہ دوسرا فرار ہو گیا۔
کراچی پولیس کے مطابق مقابلے دوران زخمی ہونے والے ڈاکو کو ہسپتال منتقل کر دیا گیا ہے جبکہ گرفتار ملزم کا ساتھی فرار ہونے میں کامیاب ہوگیا۔
پولیس نے مزید بتایا کہ فرار ہونے والے ڈاکو کی گرفتاری کیلئے ناکہ بندی کر دی گئی ہے اور سرچ آپریشن جاری ہے۔
