کلورکوٹ: (دنیا نیوز) کلورکوٹ کے علاقے فیصل چوک میں زمین کے تنازع پر ہونے والی لڑائی میں باپ اور بیٹے کو قتل کر دیا گیا۔
ذرائع کے مطابق زمین کے ٹکڑے پر ہونے والی لڑائی شدت اختیار کر گئی، مخالفین نے فائرنگ کر کے حاجی خان نامی شہری اور اس کے بیٹے کو موت کے گھاٹ اتار دیا۔
واردات کے بعد ملزمان موقع سے فرار ہونے میں کامیاب ہو گئے، پولیس نے جائے وقوعہ سے شواہد اکٹھے کر کے کارروائی کا آغاز کر دیا۔
