کراچی: (دنیانیوز) اینٹی نارکوٹکس فورس (اے این ایف ) نے ملک کے مختلف شہروں میں کارروائیاں کرتے ہوئے منشیات فروشی میں ملوث 6 ملزمان گرفتار کرلیے۔
ترجمان اینٹی نارکوٹکس فورس کے مطابق کارروائی اسلام آباد، میانوالی،کوئٹہ اوردالبندین کے علاقوں میں کی گئی، گرفتار افراد میں 2خواتین بھی شامل ہیں ۔
ترجمان کے مطابق کارروائی کے دوران ملزمان کے قبضے سے102کلو800گرام چرس ، 55کلو800 گرام افیون، ایک کلو250گرام آئس برآمد ہوئی ہے۔
ترجمان اےاین ایف کا کہنا ہے کہ گرفتار مُلزمان کیخلاف انسدادِ منشیات ایکٹ کے تحت مقدمات درج کرلیے گئے ہیں ۔
