صادق آباد: (دنیانیوز) پنجاب کے شہر صادق آباد میں پولیس نے بچوں کو اغوا کر کے بھیک منگوانے والے گینگ کاکارندہ گرفتار کرلیا ۔
پولیس کے مطابق تھانہ سٹی پولیس نے ایک کارروائی میں بچوں کو اغوا کر کے بھیک منگوانے والے گینگ کا کارندہ گرفتار کرلیا ہے ، اس حوالے سے اے ایس پی حسیب میمن نے بتایا کہ 10 مئی کو اغوا ہونے والی 11 سالہ بچی کو پولیس نے سی سی ٹی وی اور جدید ٹیکنالوجی کی مدد سے ملزم کی گرفتاری کے بعد بازیاب کیا۔
پولیس حکام کا کہنا ہے کہ ملزم ارشادنے اغو کے بعد بچی کو گھر میں چھپا رکھا تھا ، اس گینگ کے کارندے مختلف شہروں سے بچوں کو اغوا کرتے تھے اور پھر انھیں ٹریننگ دے کر ان سے بھیک منگواتے تھے، بچوں کو ٹریننگ کے بعد مختلف شہروں میں بھیجا جاتا تھا۔
پولیس نے مزید کارروائیوں میں 68لاکھ کا مال مسروقہ بھی برآمد کیا جن میں 18موٹر سائیکل 4پھٹہ رکشہ اور ایک کار اصل مالکان کے حوالے کردی ہیں۔
اے ایس پی کا کہنا ہے کہ پولیس عوام کے جان ومال کے لیے دن رات کوشاں ہے ۔
