دھمیال: (دنیا نیوز) شادی شدہ خاتون کو جھانسہ دے کر اس کی رقم اور سونا چوری کرنے والے ملزم کو پولیس نے گرفتار کر لیا۔
پولیس کے مطابق ملزم سے 11 تولے طلائی زیورات اور 19 لاکھ روپے برآمد ہوئے ہیں، ملزم محمد حسن شادی شدہ خاتون کو بہلا پھسلا کر لے گیا اور اس کی رقم اور سونا چرا لیا، واقعہ کا مقدمہ خاتون کے خاوند کی مدعیت درج کر لیا گیا۔
— Rawalpindi Police (@RwpPolice) June 25, 2023
دھمیال پولیس کے مطابق ہیومن انٹیلی جنس کی مدد سے ملزم کو ٹریس کر کے گرفتار کیا گیا اور مکمل رقم اور زیورات برآمد کر لیے گئے ہیں۔
ایس پی صدر نے ایس ایچ او دھمیال اور ٹیم کو شاباش دیتے ہوئے ہدایات دیں کہ ملزم کو ٹھوس شواہد کے ساتھ چالان کر کے قرار واقعی سزا دلوائی جائے گی۔
