پشاور:(دنیا نیوز) خیبرپختونخوا میں سرکاری سطح پر بچوں کے لئے کڈنی لیزر ٹریٹمنٹ کا آغاز کردیا گیا۔
بچوں کے لئے کڈنی لیزر ٹریٹمنٹ کی سہولت انسٹی ٹیوٹ آف کڈنی ڈیزیز حیات آباد میں شروع کی گئی ہے، سہولت کا افتتاح مشیر صحت احتشام علی نے کیا۔
اس موقع پر انسٹیٹیوٹ آف کڈنی ڈیزیز کے دورے کے موقع پر مشیر صحت نے نئی ایمرجنسی سہولت، پیڈریاٹریک لیتھوٹریپسی، مائیکرو بیالوجی لیب اور نئے ایڈمسنٹریشن بلاک کا بھی افتتاح کیا گیا۔
مشیر صحت نے بغیر آپریشن کے بچوں کے گردے کی پتھری کا لیزر کے ذریعے ہونے والے کامیاب علاج کا جائزہ بھی لیا، نئی سہولیات سے انسٹیٹیوٹ بہتر طریقے سے عوام کی خدمت کرسکے گا کڈنی انسٹیٹیوٹ کی کارکردگی بہترین ہے۔
احتشام علی کا مزید کہنا تھا کہ صوبے کے 32 ہسپتالوں میں سہولیات کو مستحکم کررہے ہیں، تمام اضلاع کے ہسپتالوں میں سہولیات کو مستحکم کرنے سے پشاور کے ہسپتالوں میں دباؤ کم ہوگا۔
