پشاور:(دنیا نیوز) گورنر خیبر پختونخوا فیصل کریم کنڈی نے کہا ہے کہ ہمارے شاہینوں کے جواب نے ہمسایوں کو جنگ بند کرنے پر مجبور کردیا۔
گورنر خیبر پختونخوا فیصل کریم کنڈی کا یوم تشکر نائٹ سے خطاب کرتے ہوئے کہنا تھا کہ آج ہم شہداء کو سلام پیش کرتے ہیں، جنہوں نے اپنی جانیں دی، ہندوستان کے تمام دوست چیختے رہے کہ اب جنگ بند کرو، جب ہم نے جواب دیا تو ان کو پتہ چلا کہ ہمارے پاس کتنی طاقت ہے۔
انہوں نے کہا کہ آج یوم تشکر منا کر خیبرپختونخوا کی عوام نے ثابت کردیا کہ وہ متحد ہیں، ہندوستان نے حملہ کیا تو ہمارے فضائیہ نے انہیں جواب دیا، ایسا جواب ہمارے شاہینوں نے دیا کہ دشمن کے ہمسایوں نے کہا کہ جنگ بند ہونی چاہیے۔
گورنر خیبر پختونخوا کا مزید کہنا تھا کہ ہم نے ایٹم بم عجائب گھر میں رکھنے کےلئے نہیں بنایا ، محبت اور جنگ میں سب جائز ہیں تو ایٹم بم چلانا بھی جائز ہے۔
