نیویارک: (دنیا نیوز) موسمیاتی تبدیلیوں کی وجہ سے درجہ حرارت میں اضافہ دنیا بھر میں زچگی کی صحت اور پیدائش کے نتائج کے خطرے کو بڑھا رہا ہے۔
کلائمیٹ سینٹرل کے ایک نئے تجزیے کے مطابق 5 سالوں کے دوران موسمیاتی تبدیلیوں کی وجہ سے سالانہ اوسط درجہ حرارت میں دگنا اضافہ دیکھا گیا جو تقریباً 90 فیصد ممالک، خطوں اور 63 فیصد شہروں میں حاملہ خواین کے لیے خطرناک حد تک گرم ہیں۔
اس حوالے سے کلائمیٹ سینٹرل کے نائب صدر ڈاکٹر کرسٹینا ڈہل نے کہا کہ شدید گرمی کا ایک دن بھی حمل کی سنگین پیچیدگیوں کا خطرہ بڑھا سکتا ہے، موسمیاتی تبدیلی گرمی کی شدت میں اضافہ کر رہی ہے اور دنیا بھر میں صحت مند حمل کے خلاف مشکلات کھڑی کر رہی ہے۔
تحقیق سے معلوم ہوا ہے کہ حمل کے دوران زائد درجہ حرارت کی وجہ سے حاملہ خواتین کو ہائی بلڈ پریشر، ذیابیطس، زچگی کی شدید بیماری، بچے کی مردہ پیدائش اور قبل از وقت پیدائش جیسی پیچیدگیوں کا سامنا کرنا پڑسکتا ہے۔
