بہاولنگر: (دنیا نیوز) بہاولنگر میں معمولی تلخ کلامی پر دو گروپوں کے درمیان ڈنڈے اور مکے چل گئے، تشدد سے معمر شخص جاں بحق ہو گیا۔
لڑائی جھگڑے کا واقعہ بہاولنگر کے علاقے بستی ڈھڈیاں میں پیش آیا جہاں دو افراد کے درمیان کسی بات پر معمولی تلخ ہوئی اور دیکھتے ہی دیکھتے دونوں جانب سے ڈنڈوں اور مکوں کا آزادانہ استعمال شروع ہو گیا۔
تشدد کے نتیجے میں معمر شخص موقع پر دم توڑ گیا اور ایک زخمی بھی ہوا جسے طبی امداد کیلئے قریبی ہسپتال منتقل کر دیا جبکہ ملزم فرار ہو گئے، واقعے کی اطلاع پر پولیس نے موقع پر پہنچ کر قانونی کارروائی شروع کر دی۔
