کراچی: (دنیا نیوز) اینٹی نارکوٹکس فورس (اے این ایف) نے مختلف کارروائیوں میں بھاری مقدار میں منشیات برآمد کر لی۔
ترجمان اے این ایف کے مطابق کارروائیاں اسلام آباد، پشاور، چنیوٹ اور ملتان میں کی گئیں۔
حکام کا کہنا ہے کہ 6 کارروائیوں میں 3 خواتین سمیت 7 ملزمان کو گرفتار کر کے 33.839 کلو گرام منشیات برآمد کر لی گئی، پکڑی گئی منشیات میں 11 کلو 127 گرام چرس، 6 کلو آئس، 6 کلو افیون،4 کلو ہیروئن شامل ہے۔
ترجمان اے این ایف کے مطابق گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے۔
