جھانوی کپور نے ایوارڈ شو میں سری دیوی کی ساڑھی پہن کر شرکت کی

بھارت: (ویب ڈیسک) جھانوی کپور نے بالی وڈ کے سب سے بڑے ایوارڈ شو میں اپنی ماں سری دیوی کی یاد تازہ کرنے کے لیے ساڑھی پہن کر شرکت کی، تصاویر سامنے آنے کے بعد مداحوں نے جھانوی کپور کے اس اقدام کو خوب سراہا۔

بھارت میں بالی وڈ کے سب سے بڑے ایوراڈ شو کا میلہ سجا جس میں جھانوی کپور نے اپنی بہن خوشی کپور اور والد بونی کپور کے ہمراہ اپنی ماں سری دیوی کا ایوارڈ وصول کیا۔ بھارت کے 65ویں نیشنل فلم ایوارڈ میں ججز نے سری دیوی کو فلم موم میں بہترین اداکاری کی وجہ سے ایوارڈ کے لیے نامزد کیا تھا۔

چند ماہ قبل انتقال پانے والی سری دیوی کا ایوارڈ ان کے اہل خانہ نے وصول کیا۔ اس موقع پر سری دیوی کی بیٹی جھانوی کپور نے اپنی ماں کی یاد تازہ کرنے اور اپنی ماں کو خراج تحسین پیش کرنے کےلیے ساڑھی زیب تن کی۔ جھانوی کپور سلک کی ساڑھی میں خوبصورت نظر آرہیں تھی اور انہوں نے وہاں موجود لوگوں کو بتایا کہ یہ ساڑھی ان کی ماں سری دیوی کی ہے اور انہوں نے ایوراڈ وصول کرنے کے لیے خصوصی طور پر اسے زیب تن کیا ہے۔

 

The very pretty @janhvikapoor as she goes to Receive Sridevi Ma’am’s Much Deserved National Award for her fabulous performance in Mom’ ... An Actress and a human being and the friend that we all miss every day of our life’s ... #jhanvikapoor in her Mom s personel Saree for this emotional and precious moment .., #kushikapoor #boneykapoor #manishmalhotraworld @mmalhotraworld

A post shared by Manish Malhotra (@manishmalhotra05) on May 3, 2018 at 4:14am PDT

انہوں نے مزید کہا کہ وہ اس ساڑھی کو پہن کر فخر محسوس کر رہی ہیں اور اپنی ماں سری دیوی کو بھی بہت یاد کر رہی ہیں۔