لاس اینجلس: (روزنامہ دنیا) ہالی وڈ تھرلر ایکشن فلم ‘‘جیمز بانڈ ’’ سلسلے کی تیسری فلم ‘‘گولڈ فنگر ’’ کی اداکارہ تانیا میلٹ دنیا سے چل بسیں۔ ان کی عمر77 برس تھی۔
میڈیا رپورٹ کے مطابق ‘‘جیمز بانڈ’’ نے سوشل میڈیا پر تانیا میلٹ کی موت کی تصدیق کرتے ہوئے کہا کہ تھرلر ایکشن ‘‘جیمز بانڈ ’’ سلسلے کی تیسری فلم ‘‘گولڈ فنگر ’’ میں ٹلی ماسٹرسن کا کردار ادا کرنے والی اداکارہ تانیا میلٹ انتقال کر گئی ہیں، اس غمزدہ وقت میں ہم ان کے خاندان اور دوستوں کے ساتھ ہیں۔
We are very sorry to hear that Tania Mallet who played Tilly Masterson in GOLDFINGER has passed away. Our thoughts are with her family and friends at this sad time. pic.twitter.com/gMkqqheGJ7
— James Bond (@007) March 31, 2019
سال 1941 میں پیدا ہونے والی تانیا میلٹ 50 اور 60 کی دہائی میں اپنی صلاحیتوں کے بل بوتے پر کامیاب ترین ماڈل بھی رہیں، ان کی بڑھتی شہرت کے سبب ووگ میگزین نے 1961ء میں انھیں اپنے سرورق پر 2 مرتبہ جگہ دی۔
