لاہور: (ویب ڈیسک) پاکستان کے معروف سوشل میڈیا سٹار وقار ذکا نے بالی ووڈ اداکار شاہ رخ خان کو پاکستان منتقل ہونے کا مشورہ دیدیا۔
وقار ذکا نے اپنی مختصر ٹوئٹ میں شاہ رخ خان کو ٹیگ کرتے ہوئے انہیں ’سر‘ بھی لکھا۔ انہوں نے شاہ رخ خان کو مشورہ دیا کہ وہ بھارت چھوڑکر اہل خانہ کے ہمراہ پاکستان آجائیں۔
ٹی وی میزبان نے ٹوئٹ میں بھارتی وزیر اعظم نریندر مودی کو بھی مینشن کیا اور شاہ رخ خان کو یاد دلایا کہ مودی کی حکومت انکے خاندان کے ساتھ ناانصافی کر رہی ہے۔
Sir @iamsrk leave India and shift to Pakistan along with ur family - this is bullshit what @narendramodi Govt is doing with ur family , I stand with SKR
— Waqar Zaka (@ZakaWaqar) October 22, 2021
وقار ذکا نے ٹوئٹ میں شاہ رخ خان کے خاندان کے ساتھ مودی حکومت کی ناانصافی کی وضاحت نہیں کی، تاہم انہوں نے ایک ایسے وقت میں ٹوئٹ کی ہے جب کہ 23 سالہ آریان خان منشیات استعمال کرنے اور رکھنے کے الزام میں تقریبا ایک ماہ سے گرفتار ہیں۔
