تازہ ترین
  • بریکنگ :- کراچی:راشد منہاس روڈ،اسٹیڈیم روڈ،نیپا فلائی اور قائد آباد میں بارش
  • بریکنگ :- شارع فیصل،ملیر،بن قاسم،لانڈھی اور کورنگی سمیت دیگر علاقوں میں بارش
  • بریکنگ :- کراچی:شہر کےمختلف علاقوں میں ہلکی بارش

بھارتی سیاستدان کا تامل اداکار کو مارنے پر انعام کا اعلان

Published On 16 November,2021 09:31 am

ممبئی: (روزنامہ دنیا) بھارتی سیاست دان نے تامل فلم ‘جے بھیم’ بنانے والے اداکار سوریا کو پیٹنے پر انعامی رقم رکھ دی۔

میڈیا رپورٹس کے مطابق جہاں ایک جانب یہ فلم کامیابی کے جھنڈے گاڑ رہی ہے ، وہیں دوسری جانب تامل ناڈو کی سیاسی جماعت پٹالی مکل کچی (پی ایم کے ) نے اسے ان کے جذبات کو ٹھیس پہنچانے والی فلم قرار دیا ہے۔

سوریا کے خلاف پی ایم کے کے مقامی لیڈر سیتھاملی پزہانی سوامی نے مائیلا دودورائی میں سوریا کے خلاف کمشنر آفس میں درخواست بھی دائر کی ہوئی ہے۔

دوسری جانب انہوں نے اشارہ دیا کہ جس طرح بنگلور ایئرپورٹ پر اداکار وجے سیتھو پتی پر حملہ ہوا تھا، وہ چاہتے ہیں کہ ایسا ہی حملہ ان کی پارٹی کے نوجوان سوریا پر کریں انہیں ایک لاکھ روپے انعام ملے گا۔