تفریح
خلاصہ
- ممبئی : (ویب ڈیسک ) بھارتی ٹی وی اور فلم انڈسٹری کے معروف اداکار نتیش پانڈے 51 برس کی عمر میں حرکت قلب بند ہوجانے کے باعث انتقال کرگئے۔
بھارتی میڈیا رپورٹس کے مطابق نتیش پانڈے کو منگل اور بدھ کی درمیانی شب 2 بجے دل کا دورہ پڑا جو جان لیوا ثابت ہوا ۔
بھارتی میڈیا کے مطابق اداکار کی موت کی تصدیق ان کے قریبی رشتے دار اور پروڈیوسر سدھارتھ نگر نے کی ہے ، ان کی آخری رسومات آج (بدھ ) کی شام ادا کی جائیں گی۔
نتیش پانڈے نے بھارت کی مشہور و مقبول ٹی وی سیریل انوپما میں دھیرج کمار کا کردار ادا کیا تھا، وہ کئی سپر ہٹ بھارتی ڈراموں کا حصہ رہے۔
اداکار نے بھارت کی کئی سپر ہٹ سیریز ، ڈراموں اور فلموں میں بطور معاون اداکار کام کیا ، نتیش سپر ہٹ فلم اوم شانتی اوم ، دبنگ 2، بدھائی دو، کھوسلا کا گھوسلا سمیت دیگر فلموں میں کام کرچکے ہیں۔
