ممبئی: (ویب ڈیسک) بالی ووڈ اداکارہ اروشی روٹیلا ایک بار پھر زخمی ہوگئیں اور انہوں نے مداحوں سے دعاؤں کی اپیل بھی کر دی۔
بدھ کے دن اروشی روٹیلا کے مداحوں کے لیے ایک افسوسناک خبر اس وقت سامنے آئی جب اداکارہ نے اپنے زخمی ہاتھ اور ہسپتال میں موجود ہونے کی ویڈیو انسٹا گرام اکاؤنٹ پر شیئر کی۔
ویڈیو میں اروشی کے ہاتھ پر خون دیکھا گیا جبکہ ساتھ ہی وہ ہسپتال میں آکسیجن لگائے بیٹھی تھیں۔
اداکارہ نے پوسٹ کے کیپشن میں مداحوں سے ان کے لیے دعا کرنے کی درخواست بھی کی۔
جیسے ہی اروشی کی پوسٹ انسٹا گرام پر سامنے آئی تو ان کے مداحوں کی جانب سے اظہار ہمدری کیا گیا اور ان کی صحت کے لیے دعا کی گئی۔
دوسری جانب کچھ صارفین نے اروشی کو تنقید کا نشانہ بنایا کہ معمولی زخم کی وجہ سے اسپتال منتقل ہوکر آکسیجن ماسک پہننے سے اداکارہ لوگوں کی ہمدردی حاصل کرنا چاہتی ہیں۔
واضح رہے کہ کچھ ماہ قبل بھی اروشی روٹیلا فلم کی شوٹنگ کے دوران زخمی ہوگئیں تھی اور فریکچر ہوا تھا۔
