کراچی: (دنیا نیوز) پاکستان کے مشہور و معروف ڈرامہ نگار، مصنف اور اداکار کمال احمد رضوی کا آج 95 واں یوم پیدائش منایا جا رہا ہے۔
باکمال اداکار کمال احمد رضوی یکم مئی 1930ء کو بھارت میں پیدا ہوئے، کمال احمد نے 1958ء میں 19 سال کی عمر میں تھیٹر سے کیریئر کا آغاز کیا، کمال احمد نے اپنے فنی سفر میں اداکاری کے ساتھ ساتھ کئی یادگار ڈرامے لکھے اور ہدایت کاری کے میدان میں بھی اپنا لوہا منوایا۔
کمال احمد رضوی فلم انڈسٹری کی طرف بھی گئے مگر وہاں جی نہیں لگا، ٹی وی پر مشہور ڈرامہ سریز ’’الف نون‘‘ نے کمال احمد رضوی کی شہرت کو بام عروج بخشا، انہوں نے جن تھیٹر اور ٹی وی کے ڈراموں میں اپنے فن کے جوہر دِکھائے ان میں مسٹر شیطان، آدھی بات، بادشاہت کا خاتمہ، کھویا ہوا آدمی، چور مچائے شور شامل ہیں۔
1989ء میں کمال احمد کوتمغہ حسن کارکردگی سے نوازا گیا، کمال احمد رضوی17 دسمبر 2015ء کو دل کا دورہ پڑنے سے انتقال کر گئے تھے، ان کی لازوال اداکاری مداحوں کے دلوں میں آج بھی زندہ ہے۔
