لاہور: (ویب ڈیسک) معروف اداکارہ صرحا اصغر نےساتھی اداکارہ کومل عزیز کے ساتھ ماضی میں پیش آنے والے تنازع پر لب کشائی کر دی۔
اداکارہ صرحا اصغر نے پوڈ کاسٹ میں گفتگو کرتے ہوئے کہا ہے کہ یہ تنازع کومل عزیزکے برانڈ کے لیے فوٹو شوٹ کے دوران پیدا ہوا جب ان کی ٹیم سے کچھ غلط فہمیاں ہو گئی تھیں۔
ان کا کہنا تھا کہ ان کی ٹیم نئی اورغیرتجربہ کار تھی جس کے باعث پیشہ ورانہ انداز میں معاملات نہ سنبھالے جا سکے لیکن مجھے بھی زیادہ صبرسے کام لینا چاہیے تھا۔
صرحا اصغر نے مزید کہا ہے کہ چونکہ فوٹو شوٹ مکمل نہیں ہوا تھا اس لیے انہوں نے اس کا معاوضہ بھی وصول نہیں کیا اور ساتھ ہی انہوں نے معاملے کو غلط فہمی قرار دیتے ہوئے اسے ختم شدہ باب کہا۔
