حال ہی میں نازلی نصر دنیا ٹی وی چینل کے مزاحیہ پروگرام مذاق رات میں بطور مہمان شریک ہوئیں، جہاں انہوں نے اپنی ذاتی زندگی، کیریئر، محبت اور وفاداری پر کھل کر گفتگو کی۔

انہوں نے کہا کہ پہلی شادی کے تلخ تجربے کے بعد میری دوسری شادی نے مجھے یہ سکھایا کہ دنیا میں آج بھی سچی محبت اور وفاداری موجود ہے، موجودہ شوہر محسن طلعت کی زندگی میں آمد نے مجھے محبت پر دوبارہ یقین دلایا۔

گفتگو کے دوران اداکارہ نے اپنی زندگی کے سب سے بڑے پچھتاوے کا بھی تذکرہ کیا اور کہا کہ کم عمری میں شادی کا فیصلہ درست نہیں تھا اور میں آج بھی اپنے اس فیصلے پر افسوس کرتی ہوں۔

اداکارہ کا کہنا تھا کہ اگر مجھے آج کے شعور کے ساتھ ماضی میں واپس جانے کا موقع ملے تو میں کبھی اتنی جلدی شادی نہ کروں، خواتین کو 28 یا 29 برس کی عمر میں شادی کا فیصلہ کرنا چاہیے اور یہی وہ بات ہے جس پر انہیں سب سے زیادہ ندامت ہے۔

واضح رہے کہ نازلی نصر نے پی ٹی وی سے کم عمری میں اپنے کیریئر کا آغاز کیا، انہیں ڈرامہ سیریل دھواں سے غیر معمولی شہرت ملی جس کے بعد وہ راتوں رات سُپر سٹار بن گئیں اور لاکھوں مداحوں کے دل جیت لیے۔

کیریئر کے عروج پر انہوں نے شوبز کو خیرباد کہہ کر شادی کا فیصلہ کیا جس کے بعد طویل عرصے تک سکرین سے غائب رہیں، اب انہوں نے دوبارہ انڈسٹری میں واپسی کی ہے اور ایک بار پھر ناظرین کی توجہ حاصل کر رہی ہیں۔