لاہور: (ویب ڈیسک) پاکستان تحریک انصاف (پی ٹی آئی) کی سینئر رہنما اور سابق مشیر اطلاعات و نشریات ڈاکٹر فردوسق عاشق اعوان نے مسلم لیگ ن میں شمولیت کی خواہش کی خبروں کو جعلی قرار دیدیا۔
تفصیلات کے مطابق سوشل میڈیا پر خبریں وائرل ہو رہی ہیں جس میں دعویٰ کیا گیا ہے کہ پاکستان تحریک انصاف (پی ٹی ائٓی) کی سینئر رہنما ڈاکٹر فردوس عاشق اعوان نے مسلم لیگ ن میں شمولیت کی خواہش کا اظہار کیا ہے۔
خبریں سامنے آنے کے بعد سابق مشیر اطلاعات و نشریات ڈاکٹر فردوس عاشق اعوان نے سماجی رابطے کی ویب سائٹ ٹویٹر پر لکھا کہ سوشل میڈیا پر میرے بارے میں ن لیگ میں شمولیت کے حوالے سے گردش کرنے والی خبر من گھڑت، بے بنیاد اور حقائق کے منافی ہے۔
سوشل میڈیا پر میرے بارے میں ن لیگ میں شمولیت کے حوالے سے گردش کرنے والی خبر من گھڑت, بے بنیاد اور حقائق کے منافی ہے۔
— Dr. Firdous Ashiq Awan (@Dr_FirdousPTI) March 28, 2022
