لاہور:( دنیا نیوز) چیئرمین پی سی بی محسن نقوی کے استعفیٰ سے متعلق افواہیں جھوٹی نکلیں، پاکستان کرکٹ بورڈ کے حکام نے افواہوں کی تردید کر دی۔
پی سی بی حکام نے ان افواہوں کو رد کیا ہے کہ وفاقی وزیر داخلہ اور پاکستان کرکٹ بورڈ کے چیئرمین محسن نقوی نے پی سی بی چیئرمین کے عہدے سے استعفیٰ دے دیا، کرکٹ بورڈ نے اس حوالے خبروں کو بے بنیاد قرار دیدیا ہے۔
محسن نقوی حال ہی میں ایشین کرکٹ کونسل کے صدر منتخب ہوئے ہیں جس کے باعث کئی سپورٹس کی ویب سائٹس اور سوشل میڈیا سائٹس پر خبر شائع ہوئی کہ ہوسکتا ہے محسن نقوی مصروفیت کے باعث پی سی بی چیئرمین کے عہدے سے استعفیٰ دے دیں۔
