واشنگٹن: (دنیا نیوز) پاکستان سے متعلق امریکی صدر ڈونلڈ ٹرمپ کی فیک ویڈیو سوشل میڈیا پر وائرل ہوگئی۔
ویڈیو میں امریکی صدر ڈونلڈ ٹرمپ کہتے نظر آتے ہیں کہ پاکستان ایران کے بعد دوسرے نمبر پر ہے اور اگر اسرائیل نے ایران پر دوبارہ حملہ کیا تو پاکستان اسرائیل کو مکمل طور پر تباہ کر دے گا۔
تاہم، وہ مزید کہتے ہیں کہ پاکستان کو اس جنگ میں ملوث نہیں ہونا چاہیے کیونکہ یہ اسرائیل اور ایران کا مسئلہ ہے اور علاقے میں امن کی ضرورت ہے۔
— اللہ دتہ شاہ (@Ragrey_shah) June 15, 2025
لیکن حقیقت یہ ہے کہ یہ ویڈیو اے آئی (AI) کے ذریعے بنائی گئی ہے اور اصل نہیں ہے، فیکٹ چیکنگ ویب سائٹس نے تصدیق کی ہے کہ یہ ویڈیو ایک ڈیپ فیک ہے، جس میں 2016 کی ایک اصل ویڈیو کو تبدیل کرکے اسے بنایا گیا ہے، اصل ویڈیو میں ٹرمپ معاشی ترقی کے بارے میں بات کر رہے تھے۔
اس ویڈیو کا پس منظر حالیہ اسرائیل اور ایران کے درمیان بڑھتی ہوئی کشیدگی ہے، یہ ویڈیو حقیقت پسندانہ سیاسی ماحول کو استعمال کرکے جعلی بیانیہ کو معتبر بنانے کی کوشش کرتی ہے، جو عوامی رائے یا سیاسی گفتگو کو متاثر کر سکتی ہے۔
