نیویارک: (ویب ڈیسک) گوگل نے سکیورٹی ٹول کے نام پر جعلی وی پی این سے خبردار کردیا۔
گوگل نے حال ہی میں ایک انتباہ جاری کیا ہے کہ سکیورٹی ٹولز کے نام سے جعلی وی پی این ایپس انتہائی خطرہ بن سکتی ہیں۔
گوگل کی تازہ ایڈوائزری میں بتایا گیا ہے کہ سائبر مجرم ایسی ایپس تیار کر رہے ہیں جو بظاہر معتبر وی پی این سروسز یا سکیورٹی ٹولز کی طرح دکھائی دیتی ہیں مگر درحقیقت ریموٹ ایکسس ٹروجنز یا بینکنگ ٹروجنز کا ذریعہ بن سکتی ہیں۔
ایسی ایپس کے اندر غلط اجازتیں دی گئی ہوتی ہیں یا ایسی ایپس عام وی پی این کی ذمہ داریاں نبھا تو رہی ہوتی ہیں لیکن اس کے باوجود وہ صارف کی اضافی حساس معلومات تک رسائی حاصل کررہی ہوتی ہیں جیسے آپ کی براؤزنگ ہسٹری، ذاتی پیغامات، کریپٹو والٹ ڈِیٹیلز وغیرہ۔
گوگل نے نشاندہی کی ہے کہ یہ خطرہ صرف غیرمستند ایپ سٹورز تک محدود نہیں ہے بلکہ آفیشل سٹورز پر بھی ایسے جعلی وی پی اینز آ سکتے ہیں۔
گوگل نے اس حوالے سے ایک خاص “VPN Verified” بیج متعارف کرایا ہے جو ایک قسم کی اعتماد بحالی ہے، ادارے نے بتایا کہ صرف سرکاری اور معتبر سٹورز سے وی پی این ایپ ڈاؤن لوڈ کریں۔
.jpg)
