کراچی :(دنیا نیوز) متحدہ عرب امارات کے قونصل جنرل بخیت عتیق الرومیتی کا کہنا ہے کہ پاکستانیوں کےلیے ویزوں کی بندش سےمتعلق خبروں میں کوئی صداقت نہیں۔
اماراتی قونصل جنرل بخیت عتیق الرومیتی کا میڈیا سے گفتگو کرتے ہوئے کہنا تھا کہ کراچی میں قائم ایشیاء کے سب سے بڑے ویزا سینٹر میں پاکستانی بہن بھائیوں کیلئے عملہ خدمت پر مامور ہے۔
اُنہوں نے کہا کہ پاکستان اور یو اے ای کے تعلقات مستحکم بنیادوں پر قائم ہیں، ویزوں کی بندش سےمتعلق خبروں میں کوئی صداقت نہیں، پاکستانیوں کیلئےاماراتی ویزے بلاتعطل جاری کیے جا رہے ہیں، سازشی عناصریو اے ای کے ویزے کی بندش سے متعلق افواہیں پھیلار ہے ہیں۔
ان کا مزید کہنا تھا کہ بعض نوعیت کے ویزوں کے اجراء کیلئے پیشگی تاریخ ضروری ہے، علاج و معالجے، تعلیمی سیمینار اور اس نوعیت کی دیگر خدمات کیلئے ہمارا تعاون برقرار رہتا ہے۔
