تھرپارکر: (دنیا نیوز) صحرائے تھر میں بارشوں کے بعد سانپ بلوں سے باہر آ گئے۔
محکمہ صحت کے مطابق تھرپارکر میں رواں ماہ کے دوران 200 کے قریب افراد کو سانپوں نے ڈس لیا جنہیں علاج کے لیے مختلف ہسپتالوں میں لایا گیا ہے، سانپوں کے زہر کو ذائل کرنے کے لیے اینٹی سنیک وینم انجکشن استعمال کی جا رہی ہے۔
صحرائے تھر کے جنگلات میں سانپوں کی 10 سے زائد اقسام موجود ہیں جن میں نیورو ٹاکسک اور مسکولو ٹاکسک سب سے خطرناک ہیں۔
بارشوں کے بعد سانپوں کی افزائش کے دن ہوتے ہیں جس کی وجہ سے انہیں بلوں سے باہر آنے کے ساتھ ساتھ اپنا زہر بھی جسم سے خارج کرنا ہوتا ہے، قدرتی طور پر سانپوں کی افزائش کا یہ مرحلہ ہر جاندار کے لیے خطرے کا باعث بنتا ہے۔
