سندھ انفیکشن ڈیزیز ہسپتال کے ایم ایس کے مطابق 22 سالہ نوجوان میں ایم پاکس کی تصدیق ہوئی ہے، مریض کا تعلق بفرزون سے ہے اور رپورٹ مثبت آنے کے بعد اسے فوری طور پر آئسولیشن وارڈ منتقل کر دیا گیا ہے۔

ایم ایس کا کہنا ہے کہ متاثرہ مریض کی کوئی سفری ہسٹری سامنے نہیں آئی، جس کے باعث مقامی سطح پر وائرس کے پھیلاؤ کے خدشات بڑھ گئے ہیں۔

انہوں نے مزید بتایا ہے کہ کراچی میں ایم پاکس کا پہلا کیس مارچ میں رپورٹ ہوا تھا، جبکہ اب دوسرا کیس سامنے آنے کے بعد صورتحال پر کڑی نظر رکھی جا رہی ہے۔