خلاصہ
- تحریک انصاف کے چیئرمین عمران خان نے ایک بار پھر حکومت کو سڑکوں پر آنے کی دھمکی دیدی، کہتے ہیں حکومت پارٹی کے سوشل میڈیا کارکنوں کے خلاف کارروائی سے باز نہ آئی تو سڑکوں پرنکل آئیں گے۔
اسلام آباد: (دنیا نیوز) اپنے ایک ٹویٹر پیغام میں عمران خان نے پارٹی کے سوشل میڈیا کے کارکنوں کے خلاف حکومتی کارروائی پر برہمی کا اظہار کیا۔ عمران خان نے حکومت کو خبردار کیا کہ پارٹی کے سوشل میڈیا کے لوگوں کے خلاف کوئی کارروائی ہوئی تو وہ سڑکوں پر آئیں گے۔ تحریک انصاف کے چیئرمین نے مزید کہا کہ قومی سلامتی کے نام پر تحریک انصاف کے سوشل میڈیا کے ایکٹوسٹس کو حراست میں لیا گیا ہے۔
چیئرمین پی ٹی آئی نے سماجی رابطے کی ویب سائٹ کے ذریعے حسن روحانی کو دوسری بار بھاری اکثریت سے ایران کے صدر منتخب ہونے پر مبارکباد بھی دی ہے۔
We will take to the streets if action is taken against our social media activists under garb of "national security" https://t.co/l6dx6OrdAC
— Imran Khan (@ImranKhanPTI) May 21, 2017
Congratulations to President Rouhani on his re-election as President of the Islamic Republic of Iran by an overwhelming majority.
— Imran Khan (@ImranKhanPTI) May 21, 2017
