اسلام آباد: (دنیا نیوز) وزیراعظم عمران خان نے کشمیر پر بھارت کو مذاکرات کی دعوت دے دی۔ انہوں نے کہا بات چیت کے ذریعے تنازعات کا حل غربت مٹانے اور برصغیر کے عوام کی زندگیوں میں بہتری لانے کا آسان نسخہ ہے۔
عمران خان نے سوشل میڈیا کی ویب سائٹ پر ٹویٹ کرتے ہوئے کہا آگے بڑھنے کیلئے پاکستان اور بھارت کو مذاکرات کرنا ہونگے، کشمیر سمیت تمام تنازعات پر بات چیت ضروری ہے۔ انہوں نے کہا غربت کے خاتمے کا بہتر طریقہ مذاکرات اور تجارت ہے۔
To move forward Pakistan and India must dialogue and resolve their conflicts incl Kashmir: The best way to alleviate poverty and uplift the people of the subcontinent is to resolve our differences through dialogue and start trading https://t.co/V2UkXp0WwS
— Imran Khan (@ImranKhanPTI) August 21, 2018
وزیراعظم عمران خان نے اپنے ٹویٹ میں مزید کہا تقریب حلف برداری میں شرکت پر نوجوت سنگھ سدھوکا مشکور ہوں، سدھو امن کے سفیر تھے، پاکستانی عوام نے محبت دی، بھارت میں سدھو کے مخالفین خطے میں امن کو نقصان پہنچا رہے ہیں، امن کے بغیر عوام ترقی نہیں کر سکتے۔
I want to thank Sidhu for coming to Pakistan for my oath taking. He was an ambassador of peace & was given amazing love & affection by ppl of Pakistan. Those in India who targeted him are doing a gt disservice to peace in the subcontinent - without peace our ppl cannot progress
— Imran Khan (@ImranKhanPTI) August 21, 2018
خیال رہے سابق بھارتی کرکٹر نوجوت سدھ سنگھ وزیراعظم عمران خان کی حلف برداری تقریب میں شرکت کے لئے اسلام آباد پہنچے تھے۔ اس موقع پر 1992 کی ورلڈ کپ کی فاتح پاکستانی ٹیم بھی موجود تھی۔
