تازہ ترین
  • بریکنگ :- کراچی:24 گھنٹےمیں کورونامثبت کیسزکی شرح 40.68 فیصدرپورٹ
  • بریکنگ :- سندھ میں 2319 کیس رپورٹ،1994 کاتعلق کراچی سےہے
  • بریکنگ :- کراچی:24 گھنٹےکےدوران سندھ میں 5 مریض انتقال کرگئے
  • بریکنگ :- کراچی:391 مریضوں کی حالت تشویشناک،21 وینٹی لیٹرپرہیں

عوام کیلئے بری خبر،نئے سال کے آغاز پر پٹرولیم مصنوعات کی قیمتوں میں اضافےکا امکان

Last Updated On 30 December,2019 11:07 pm

اسلام آباد: (دنیا نیوز) آئل اینڈ گیس ریگولیٹری اتھارٹی(اوگرا) نے پٹرولیم مصنوعات کی قیمتوں میں 3 روپے 10 پیسے فی لیٹر تک اضافے کی سمری ارسال کر دی۔

پٹرولیم مصنوعات کی قیمتوں میں اضافے کا حتمی فیصلہ وزارت خزانہ کریگی جبکہ اس پر اطلاق یکم جنوری 2020ء سے ہوگا۔ اوگرا کی جانب سے ارسال کی گئی سمری میں لائٹ ڈیزل آئل کی قیمت میں 2 روپے 8 پیسے فی لیٹر اضافے کی تجویز دی گئی ہے۔

اس کے علاوہ مٹی کے تیل کی قیمت میں 3 روپے 10 پیسے فی لیٹر، ہائی سپیڈ ڈیزل کی قیمت میں 2 روپے 25 پیسے فی لیٹر اور پٹرول کی قیمت میں 2 روپے 61 پیسے فی لیٹر اضافے کی تجویز دی گئی ہے۔

سمری منظوری کی صورت میں پٹرول کی نئی قیمت 116 روپے 6 پیسے، ہائی سپیڈ ڈیزل کی نئی قیمت 127 روپے 26 پیسے، لائٹ ڈیزل آئل کی نئی قیمت 84 روپے 51 پیسے جبکہ مٹی کے تیل کی نئی قیمت 99 روپے 45 پیسے فی لٹر ہو جائے گی۔